ЛЕМКІВСКЫ КОЛЯДЫ


Як Пречыста
миленького Сынка





Як Пречыста миленького Сынка
Нам породила,
Обвинувшы, до ясличок Його
Там положыла.
Люляй же Дітятко,
Мале Пахолятко;
В Нем ся тішыла,
Так Му сьпівала.

Віл і осел на Него дыхали,
Так Му рыкали:
Краль наш, Пан наш лежыт мєдже нами,
Так Го витали.
Тож і немовлятка,
Различны пташатка
Його славили
І выхваляли,

Прото і мы - розумны створиня
Його витайме,
Його славне Народжыня чтийме
І прославляйме.
Отцу Небесному -
Для нас ласкавому
З дару дякуйме,
В Нем ся радуйме.

Од Мамы - Александры Трохановской,
рож, 1904 р. в Білцаревій, записал (бл. 1970 р.) П. Т.
На мелъодию той прастарой коляды сьпівано
в Білцаревій на Рождество Херувимску Піснь.
Під „Иже херувими..." і гармонізувано твір,
одтале тота аранжация (під коляду) не єст довершена.
Але прімка - голос сопрану - є чысто оргінальна. (П. Т)


Local Links:

Icon Return to Lemko Home Page

Document Information Document URL:http://lemko.org/lemko/spivanky/14.html

Page prepared by Walter Maksimovich
E-mail: walter@lemko.org

Copyright © LV Productions, Ltd.
E-mail: webmaster@lemko.org

LV Productions, Ltd.
c/o Walter Maksimovich
3923 Washington Street,
Kensington MD 20895-3934
USA
© LV Productions, Ltd. 
Originally Composed: January 14th, 2003
Date last modified: