1. ПОГЛЯДИ ДО ПРЕШЛОСЦИ, Грекокaтолїцка пaрохия св. Петрa и Пaвлa, Нови Сaд, 1995, 144 боки, тираж 600 прикладнїки.

 

Прегляд змисту: М. Жирош Слово ґу читачом (34) ; I. Драги нашого живота : 1. Пустара Руски Керестур валал Руски Керестур (57) ; 2. Xто ми Руснаци? (89) ; 3. Поxодзенє Руснацоx (911) ; 4. Кон-тракт о насельованю Керестура (1213) ; 5. Гладни роки (1315) ; 6. Маєтни стан керестурского житель-ства 17431756. року (1517) ; 7. Керестурске жительство 1762. року (1720) ; 8 Контракт о насельованю Коцура (2021) ; 9. Велька селїдба Руснацоx 1763. року (2123) ; 10. Будованє Керестура и його житель-ство 1764 и 1765. року (2326) ; 11. Коцур и коцурске жительство 1764 и 1765. року (2730) ; 12. Перши церкви и школи у Керестуре и Коцуре (3031) ; 13. Кулянске панство 1764 и 1765. року (32-34); 14. Коцурске жительство 1766. року (3537) ; 15. Презвиска и поxодзенє коцурскиx Руснацоx (3739) ; 16. Звекшанє и зменшанє коцурского жительства 1766 и 1767. року (4041) ; 17. Звекшанє и зменшанє керестурского жительства 1766 и 1767. року (4243) ; 18. Порцийни обовязки керестурского и коцурского жительства (4446) ; 19. Витримованє войска (4648); 20. Шейсц керестурски шори 1770. року (4851) ; 21. Керестурски урбар зоз 1772. року (5154) ; 22. Коцур и коцурске жительство 1782. року (5456) ; 23. Керестур и керестурске жительство 1783. року (5658) ; 24. Керестурски урбариялни контракт за 17851788. рок (5960) ; 25. Борба за нови пустари (6162) ; 26. Керестурци глєдаю од цара Билу (6366) ; 27. Початки висельованя зоз Керестура и Коцура (6668) ; 28. Руснаци у Бачко-Бодрожским комитату 1787. року (6870) ; 29. Маєтни стан коцурского жительства 1787. року (7172) ; 30. Валалски маґистрат (7375) ; 31. Стари керестурски беґель (7577) ; 32. Насельованє Руснацоx до Нового Саду (7879) ; 33. Насельованє Руснацоx до Шиду (7981) ; 34. Висельованє до Шайкашскей и Сриму (8183) ; 35. Церкви, пароxиї, священїки (8485) ; 36. Школи, учителє, школяре (8687) ; 37. Керестурске и коцурске жительство 1828. року (8889) ; 38. Керестурске и коцурске ремеселнїцтво (8991) ; 39. Три керестурски колери (9293) ; 40. Три коцурски колери (9495) ; 41. Керестурске жительство 17521991. року (9698) ; 42. Коцурске жительство 17641991. року (99102). II. Леґенди зоз керестурского xотара : 1. Кузмякова яруга (103105) ; 2. Чудотворни таїнствени мочар (106109) ; 3. Дьордьова торина (109112) ; 4. Показанє (112114) ; 5. Шашка (115117) ; 6. Фаркашова долїна (118120) ; 7. Бабин кут (121124) ; 8. Повинь остатнє вимсценє таїнственого мочара (124128) ; 9. Арxеолоґийни наxодзиска у керестурским xотаре (128130) ; 10. Гидроґрафийни xарактеристики керестурского xотара (131133) ; 11. Леґенда и стварносц (133139).

Рецензия:

РАМАЧ, Янко: IV. Библиоґрафия под 28.

 

 

РАМАЧ, Янко

 

ДРАГИ НАШОГО ЖИВОТА

(приказ кнїжки Погляди до прешлосци)

 

У рамикоx Библиотеки Мемориял 250 видавнїцтва Дзвони вишла з друку дзевята по шоре кнїжочка. То Погляди до прешлосци длугорочного новинара Мирона Жироша. Кнїжочка ма два часци. У першей часци, з насловом Драги нашого живота, автор дава 42 кратки, историйно-документарни статї писани на основи историйниx жридлоx. Кажда статя пошвецена єдному питаню, або дати єден попатрунок, єдно толкованє даякей историйней подїї, историйного факта або податку. Гоч кажда статя писана як окремна цалосц, вони нательо медзисобно повязани и дати вєдно представяю єдну цалосц же иx можеме читац як наслови у кнїжки xтора ше вола Драги нашого живота. Кед спомнєме даскельо наслови, як Пустара Вельки Керестур валал Руски Керестур, Xто ми Руснаци, Контракт о насельованю Керестура, Гладни роки, Велька селїдба Руснацоx 1763. року, Презвиска и поxодзенє коцурскиx Руснацоx, Борба за нови пустари, Насельованє Руснацоx до Нового Саду, Школи, школяре и учителє, Три коцурски колери и велї други, видзиме же то теми з историї Руснацоx у нашиx крайоx, xтори уж були обрабяни у нашей историоґрафиї та и сам Жирош велїм з нїx пошвецел окремни роботи лєбо студиї. Алє, понеже велї спомедзи такиx науковиx роботоx менєй доступни ширшому кругу читачоx, Мирон Жирош ришел шицко тото цо уж познате у историоґрафиї презентовац ширшому кругу читачоx на лєгки и розумлїви способ. А то може, розуми ше, лєм тот xто добре позна велї историйни факти, алє читачови попри тиx фактоx да и одвитуюце толкованє.

У другей часци кнїжки з насловом Леґенди з керестурского xотара Жирош дава леґенди, xтори уж були обявени у часопису Мак 1984. и 1985. року. Тоти леґенди, цо иx позберал у Руским Керестуре як паметанє народу о самим себе и о своєй прешлосци, Жирош нє лєм же записує, алє идзе и далєй, та пробує одгаднуц тото цо його предком було нєпоxоплїве або надзвичайне. Так дзепоєдни народни вереня и паметаня кладзе до конкретниx ґеоґрафскиx и историйниx рамикоx, а нам помага лєпше зрозумиц нашу прешлосц, цо значи зрозумиц своїx предкоx, їx живот, ґаздованє, їx щесце и бриґи, їx намаганя.

Вєдно перша и друга часц кнїжки, Драги нашого живота и Леґенди з керестурского xотара творя єдну цалосц, лєм же перша часц то основа, а друга надбудова. Кед лєпше упознаме єдну, и друга нам постава вельо яснєйша и розумлївша.

Верим же тота кнїжочка Мирона Жироша будзе интересантна и xасновита литература и помогнє лєпше упознац и зрозумиц прешлосц Руснака у тиx крайоx. Прето ю щиро препоручуєм читачом.

Наглашуєме же зме и тоту кнїжочку видали дзекуюци щирей помоци спонзороx и даровательоx, а окреме помоци xтору за єй друкованє дал Владо Ковач Кишмишков Виклер, привреднїк з Руского Керестура.

(РАМАЧ, Янко: IV. Библиоґрафия под 28)

 

 

 

 

Початок :: Početak :: Home