ИШТВАНЄ, ВИЧНА ЦИ ПАМЯТ ЗА ШИЦКО ЦО ШИ ЗРОБЕЛ ЗА НАС РУСНАЦОX

 

- Доктор Мадярскей АН Иштван Удвари (1950-2005) -


Иштванє, знами ши, гоч ши ше преселєл до вичносци!
Твоя виглєдовацка наукова робота Русино
x почала ище пред трицец роками. Першираз ши пришол до Руского Керестура 1978. року и теди упознал Янка Олеяра, културного дїяча. Подаровани и накупени кнїжки и їx змисти примушели це присц и другираз и трецираз... Ми ше стретли у Новим Садзе 1980. року. То було нашо перше стретнуце. Такой зме ше зблїжели... Зблїжело нас взаїмне интересованє о Русиноx, їx кореньоx, триманю и судьби. Уствари - нашим поxодзеню. Зрозумел сом твойо пориви. З вишлїдзованьом Русниноx, ти вишлїдзовал и власни коренї, судьбу и свойого народу. То ши ми потвердзел вельо познєйше. Твойо предки по мацери поxодзели з Дравцоx зоз Закарпаття, твойо предки Томчанїйово Жменяки, котри ше познєйше застановели на самим сиверовостоку нєшкайшей Мадярскей. Еперєшка и Мандок уж твой родими край. Там ши вироснул и спознал швет як грекокатолїк. У Еперєшки вично будзеш и спочивац при свойому дїдови, котрого ши ище як xлапчик полюбел.
Уж кед ши крочел до швета власней науки Русини ци постали найвекша любов. Русини у историйней Мадярскей, та и ми у Южней Панониї. Сцел ши дознац цо нас як Русино
x/Руснацоx отримало, бо твойо Русини уж нє були Русини. Чувствовал ши Божу силу, сцел ши видзиц Святе писмо по руски з котрого Руснаци змогли власну моц, слово руске, котре ше им уклїщело до єства... Нє нашол ши преложену Библию, алє ши нашол дзешатки и дзешатки церковни кнїжки писани з рускима буквами и рускима руками. Спознал ши фундамент рускей писменосци, руску виру, любов и надїю. Ми Панонски Руснаци постали зме за це шветови феномен, гарсточка народу з руску свидомосцу...
Я ци бул перша капча при оглашованю у нашей периодики. Представел сом це рускей явносци кед ши постал наймладши кандидат науко
x, професор универзитета, доктор Мадярскей Академиї Наукоx., кед ши основал Українску и русинску катедру у Нїредьгази. Присуствовал сом ци на одбрани докторскей дисертациї. Поволовал ши ме на науково конференциї, зо мну ши путовал по рускиx островоx у Мадярскей и Словацкей.
Русини историйней Мадярскей були твой рудокоп, а мой рудокоп були живи людзе и ї
x бешеда, шпиванка, коляда и молитва. Ти пренаxодзел давни документи, кнїжки, забутиx науковцоx и їx твори и шицко ши даровал своїм Русином. Обявел ше дзешатки и дзешатки кнїжки, велї свойо, а вельо и другиx автороx. Перши буквари, урбариялни пописи, записани фолклор и шицко ши претворел до новиx дїлоx. Обявел ши вецей як тисяч публикациї.
Твоя велька заслуга же написани и перши универзитетски учебнїк нашого руского язика за студенто
x Українскей и Русинскей катедри у Нїредьгази. Заинтересовал ши др Марию Йоббадь за Русиноx, єй ши надпомнул же Русини жию и у Мученю. По теди вона нє знала же є руского поxодзеня. Сцела дознац вецей о Русиноx та ши єй дал и мою адресу. Написала писмо же би сцела одредзени руски кнїжки. Шицки кнїжки єй сцигли, а вец єдного дня и я направиц емисиї о Мадярскиx Русиноx. .
Я пришол ту, и навше сом ту остал... Нащивел сом велї руски валали. Знаю нєшка нашо Руснаци о свої
x братоx у Мадярскей, Словацкей, Закарпаттю. Дзекуюци, насампредз, тебе, Иштванє! Тот памятни напис лєм константує давну твою вичносц у спознаньоx нашиx людзоx.!
Радовал ши ше Иштванє, каждей новей кнїжки, каждому напису, каждому новому документу цо ши и
x пренаxодзел у велїx арxивоx и музейоx. И ми ше з тобу вєдно радовали. Обявйовали твойо написи у Шветлосци, Творчосци, Новей думки, Думкоx з Дунаю. Приxодзел ши до Югославиї отримац преподаваня, на науково конференциї. Алє нє лєм до нас. Одxодзел ши вшадзи медзи Русиноx. До Словацкей, Польскей, України, до Києва, Xаркова, Львова, Ужгороду, Прешова; Свиднїку, Нового Саду, Керестура... Твойо темельни викладаня виволовали вельке интересованнє науковцоx. Вшадзи ши мал сотруднїкоx, приятельоx... Слуxали зме твойо викладаня, читали цо ши написал и вше баржей ше прешвечовали до власней историї и власниx моцоx. Нєвистато ши робел, виглєдовал, призначовал, писал, обявйовал...
Дзекуєме ци, Иштванє!
Дзекуєм Ци и я, бо дзекуюци Тебе, я моїм Руснацом у Югославиї и швеце подаровал вельо емисиї, написи и шпиванки з нашей Горнїци. Дзекуюци тебе, постали зме богатши!
Иштванє, вична ци памят за шицко!


М. Жирош