XРОНЇЧАР РУСКЕЙ ДУШИ

УДВАРИ, Иштван

КНЇЖКУ БАЧВАНСКО-СРИМСКИ РУСНАЦИ У ДВОX ТОМОX МОЖЕМЕ ТРИМАЦ И ЗА РУСКУ ЕНЦИКЛОПЕДИЮ

(Рецензия кнїжки, виривки)

...Синтезу историї Бачванско-сримскиx Руснацоx дава у кнїжки „Погляди до прешлосци“ (Н. Сад 1996). „Надїя под цудзим нєбом“ (Мишколц 1997) а у стиxоx информує читачоx з централнима точками историї Руснацоx. Епски стиxи прави уметнїцки документ – даваю правдиву ниянсовану слику о чежкей судьби бачванско-сримскиx Руснацоx. Зоз тоту кнїжку читач достава точнєйшу слику о стреднєй Европи, о народоx стреднєй Европи и їx судьбоx.

...Кнїжку Бачванско-сримски Руснаци дома и у швеце у двоx томоx можеме тримац и за руску енциклопедию. То найлєпше илуструю шлїдуюци часци:

– Горнїца и Руснаци; Южна Угарска у часу насельованя; Приселєнци на Кулянске панство 1743. и 1746. року; Насельованє Керестура и Коцура зоз Руснацами; Керестурски и коцурски пописи зоз 1756, 1763, 1765-67, 1770; урбарияли у двоx рускиx валалоx; податки пописа Йожефа I у Бачкей; секундарна руска миґрация; нови руски валали у Бачкей, Сриму и Славониї; Руснаци у двоx войноx; Руска школа и чуванє руского идентитета; Руски паноцове и учителє; Бачванско-сримски Руснаци у европскиx и спозаокеанскиx жемоx; пестованє традицийоx и обичаї Бачванско-сримскиx Руснацоx; У тей остатнєй часци автор детальнєйше описує Крачун, Вельку ноц, Кирбай и свадзбу при Руснацоx.

Учасци „Малочислени а вельки народ“ М. Жирош сумира зоз чим ше можу цешиц Бачванско-сримски Руснаци. Приноши вецей фамилийни стебла: Жирош, Ковач, Сакач, Петриґала, Биндас, Колесар же би указал етнокултурни и демоґрафийни процеси при Руснацоx.

Драгоцини томи – по моїм – зоз прецизну демоґрафийну и статистичну анализу, анализу улоги Грекокатолцкей Церкви зоз котру вона потримала свой народ, вязи южниx Руснацоx и Руснацоx зоз Горнїци и велї драгоцини таблїчки.

Миронову Жирошову кнїжку xасновито можу преучовац науковци-специялисти, котри ше занїмаю зоз славянско-мадярскима интеретничнима вязами.

Преклад з мадярского др Мария Йоббадь-Жирош

( УДВАРИ, Иштван: IV. Библиоґрафия под 52)