XРОНЇЧАР РУСКЕЙ ДУШИ

УДВАРИ, Иштван

БАЧВАНСКИ РУСИНИ ФЕНОМЕН СЛАВЯНСКОГО ШВЕТА

(Виривки з рецензиї)

...М. Жирош виглєдовал автентични жридла у арxивоx Стреднєй Европи, цо барз позитивне, бо xаснує арxивни жридла, котри ище вше потераз з велькей часци нє обявени. Жанр роботи Жироша то демоґрафска моноґрафия о Русиноx у Сербиї и Горватскей. Обробене досельованє и блуканє, природни прирост и висельованє жительства зоз Керестура и Коцура, як валалоx маткоx до Сриму, Славониї и швета. Тота кнїжка написана на науковим уровню, алє на науково-популарни способ, та ю можу xасновац нє лєм науковци, алє и студенти, школяре и широки народни пасма. Автор документовано указує розвой и звекшанє рускей (русинскей) популациї од другей половки осемнастого вику по нєшка. Вон оперує зоз числами матрикулоx и статистику, кед слово о звекшаню жительства и указує дзе ше тото жительство виселює у одредзеним чаше.

...Бачвански Русини феномен славянского швета, о нїx и о їx националним културним розвою написани вецей науково студиї. Тота кнїжка, медзитим пояшнює праве тот феномен и указує на вигодни дружтвено-политични условия у остатнїx 75 рокоx. Кнїжка xасновита и важна и за сербски наукови швет, бо Русини жили и у контексту сербскей историї и миґрациї. Кнїжка барз значна и за мадярску демоґрафску науку. Вона пополнює чарни шпляxи у миґрациї Русиноx у Угорскей, зоз сиверу на юг и зоз Бачки до Сриму и Славониї.

Нїредьгаза, 6. априла 1995. року

(УДВАРИ, Иштван: IV. Библиоґрафия под 23)