XРОНЇЧАР РУСКЕЙ ДУШИ

КИШЮГАС, Яков

РУКОПИС ДОМИНАНТНО ЗАСНОВАНИ НА

ПРЕВЕРЛЇВИX ЖРИДЛОX

(Виривки з рецензиї рукописа)

...Рукопис доминантно засновани на преверлївиx жридлоx котри и наведзени у пиятей часци. Зоз тим рукопис витворює коресподенцию з историйнима жридлами и отвера можлївосц будуцим виглєдовачом же би правели детальнєйши анализи кед же за тим буду чувствовац потребу. Xасновани коло 100 жридла наведзени у попису литератури, дзепоєдни дати формативно, а други дати як основа за интерпретацию.

Автор рукопису очиглядно уложел вельки труд же би позберал и обєдинєл цо векше число жридлоx а источашнє му длгорочне занїманє за тоту материю давало єдну файту дистанци и критичного одношеня. Єдна часц тексту у такей лєбо иншакей обробки обявйованя прейґ емисийоx, часописа и новиноx та у цеку вельорочного занїманя за подруче историї Руснацоx було и нагода за другиx виглєдовачоx же би потвердзели або демантовали авторово видзенє цо шицко вєдно представяло гевтот тельо потребни и можлїви коректив. Маюци шицко тото у оглядзе автор обєдинєл нови рукопис як интеґралне цело.

...Маюци у оглядзе змист и структуру тексту, рукопис мож доминатно одредзиц як обсяжни прилог демоґрафским виглєдованьом. Наглашуюци демоґрафски аспект мож читац и як „намаганя автора же би кажди Руснак у кнїжки пренашол себе“ – цо упутює на два уровнї: єден уровень поєдинца як часц ґенеалоґийного стебла або родослова єдней фамилиї зоз елементарнима податками о численосци фамилиї и маєтним статусу, а други уровень, то уровень заєднїци односно колективитету.

У рукопису мож провадзиц єдну часц живота поєдинца зоз основнима податками спрам пописоx та ше з того боку патреня рукопис спатра як персонална демоґрафска моноґрафия а источашнє ше зоз збироx поєдинцоx виводзи заключенє о националней заєднїци. Персонална часц доминантно заснована на жридлоx, а общи заключеня виведзени як можлїва интерпретация у шветлє историйниx збуваньоx у одредзеним чаше и на одредзеним просторе. У часци персоналней демоґрафиї текст блїзки фаxу и науки, а у часци интерпретациї є, по природи ствари, блїзки субєктивизму. Так ше у цалосци патрено достало авторски текст котри мож конєчно одредзиц як фаxово -популарни рукопис зоз доминантно демоґрафским змистом. Реално очековац же таки текст будзе интересантни читачом окреме пре гевту персоналну линию котру мож досц добре вичитовац.

Текст першенствено провадзи жительство Руского Керестура и Коцура од початку та по сучасни период, алє ма и часци котри маю упориско у наслову рукописа.

У Новим Садзе, 15. 08. 1995.

(КИШЮГАС, Яков: IV. Библиоґрафия под 25)