ЛЕМКІВСКЫ СПІВАНКЫ


ЗАГРАЙТЕ МІ ГУШЛІ



Заграйте мі гушлі,
Заграйте мі басы,
Най собі припомну
Свои млады часы.
Дали-сте мя, мамусь
За ліс, за парію,
Жебы я не пришла
До вас на велию.
Шуміла береза,
Кедь ся розвивала,
Плакало дівчатко,
Кедь ся отдавало.
А я и парію
Довкола обыйду,
А до вас, мамусю
На велию прийду.
Дали-сте мя, мамусь,
За ліс, за дубину,
Жебы-м не ходила
До вас на гостину.
Дали-сте мя, мамо,
За ліс під заваля,
Жебы я не пришла
До вас на Русаля.
А я и дубину
Довкола обыйду,
И до вас мамусю
На гостину прийду.
А я и заваля
Довкола обыйду,
А до вас мамусю
На Русаля прийду.



Local Links:

Icon Return to Lemko Home Page


Document Information Document URL:http://lemko.org/lemko/spivanky/17.html

Page prepared by Walter Maksimovich
E-mail: walter@lemko.org

Copyright © LV Productions, Ltd.
E-mail: webmaster@lemko.org


LV Productions, Ltd.
c/o Walter Maksimovich
3923 Washington Street,
Kensington MD 20895-3934
USA
© LV Productions, Ltd. 
Originally Composed: February 5th, 2003
Date last modified: