Зібрав і впорядкував Анатолій Ядловський, член правління Івано-Франківського обласного суспільно-культурного товариства «Лемківщина».

ВІТАНЯ ВШИТКИМ ЛЕМКАМ, КОТРИ ЛЮБЯТ СВОЇ РІДНИ СПІВАНКИ
Івано-Франківське обласне суспільно-культурне товариство «ЛЕМКІВЩИНА» 2000


ГОРИ НАШИ

(Лемківский гімн)
Гори наши, гори наши,
Гори наши Карпати.
Нихто не зна, нихто не зна
Кільо ви в нас вартате.
Гори наши, гори наши,
Гори наши Бескиди.
Бо вас дати не казали
Наши діди - прадіди.
Гори наши, гори наши,
Гори наши Карпати.
Не даме вас, не даме вас
Ни за жадни дукати.



ОЙ, ЦИ ПІДЕШ ?

Ой, ци підеш, ци не підеш
Гей, моя мила, за мене.
Гей, бо мене нич не киват
Гей, лем охота на тебе.
Же бис мала кус талярів.
Гей, або зо три пари волів.
Тоби с мала, моя мила, 2
Гей, цілу хату фраєрів.
Моя мила задрімала.
Гей, задрімала, я заспав.
Кійси фрасик з капелюха.
Гей, з капелюха перко вкрав.
Я сой думав же то взяла,
Гей, же то взяла мила моя.
А то взяла стародавна. 2
Гей, стародавна фраїрка.

ВЕРТАЙ ДІВЧА

Вертай дівча, вертай дівча
Коло мене. 2
Як закачам колечко,
Як закачам колечко,
Будеш мойов,будеш мойов 2
Фраїречков.
Ой, як я си заспівам,
Ой, як я си заспівам 2
Серед ночи.
То не єдна фраірка,
То не єдна фраірка 2
З ліжка скочи.
Вертай дівча, вертай дівча
Коло млина. 2
Як закачам колечко,
Як закачам колечко,
Будеш моя, будеш моя 2
Файна жена.


СИДИТ ПТАШОК

Сидит пташок на черешні
Гей, обдзьобує дрібний квіт.
Чого ти мі ,моя мила,
Гей, завернула младий світ.
Я ти го не завернула
Гей, завернув єс собі сам.
Єс три рочки до ня ходив.
Гей, на четвертий іншу взяв.
Ани на тя під облачком
Гей, більше чекать не буду.
Ани тя ся я не бою,
Гей, ани за тя не піду.


МИВА МОЯ, МИВА

Мива, моя мива, велика циганка.
Казава мі прийти,
Казава мі прийти. 2
Сама двері замква.
Мотузком підперва, кийом зав'язава.
Так ся моя мива,
Так ся моя мива 2
Тверді замикава.
О, я їх не замква, замква їх матечка.
Же би-м не пускала,
Же би-м не пускала 2
Додом фраїричка.
Фраїре, фраїре, повіч мі на віру:
Чи будеш ня любив,
Чи будеш ня любив, 2
Як ся зостарію.
Дівчатко, дівчатко, можеш мі вірити
Же я тя не буду,
Же я тя не буду 2
На старіст любити.

КОЛИСКОВА

Люляй же мі, люляй, кед мі маш люляти,
Бо я не мам коли тебе колисати. (2)
Люлю же мі, люлю, де я тя притулю?
Під зелену сосну, ягідку розкошну. (2)
Люляй же мі, люлю, вшию ти кошулю,
Вшию тобі зо дві, лем мі люляй добрі. (2)
Люлю же мі, люлю, вшию ти кошулю,
Як мі будеш спати, вшию і кабатик. (2)
Усний же мій, усний, великий виросний,
Великий, як і я, білий, як лелия. (2)
Люляй же мій, сину, хоц єдну годину,
Усний мі і зо дві, даст ти пан-Біг добрі. (2)

ОЙ ПІДУ Я МЕЖЕ ГОРИ

Ой піду я меже гори,
Там, де жиют лемки,
Там не мают чим світити
Тай сідят потемки.
Ой піду я меже гори,
Там, де жиют бойки,
Там музика дрібно грає,
Скачут по легойки.
Ой ти, лемку, ой ти, лемку,
Ти - поганська віра,
Твоя жена в середоньку
Солонину їла.
Ой ти, бойку, ой ти, бойку,
Твоя ищи гірша,
Твоя їла і в п'ятницю,
А п'ятниця більша.
Пішов лемко до костела,
Там органи грали,
Як си тупнув ходачками,
Аж му огня дали.
Лемко вмер, лемко вмер,
Лемкові дзвонили,
Як ся лемко зорвав з лави,
Ледве го догонили.


ОЙ ВЕРШЕ, МІЙ ВЕРШЕ

Ой верше мій, верше,
Мій зелений верше,
Юж мі так не буде, (2)
Як мі биво перше. | 2
А перше мі биво,
Барс мі добрі биво,
Од своєй мамички (2) ,
Не ходити биво. | 2
Не ходити биво
Горами, лісами,
Не любити хлопців (2) |
З чорними очами. | 2
Не ходити биво,
Кади я ходила,
Не любити биво, (2) .
Кого я любила. | 2

ЗА ГОРОВ

За горов, за скалов
Дівчатко заспаво.
Я кричав - не чує.
Хай з Богом ночує.
Розкошоньки мої
Вже с те ся минули.
Як тоти квіточки,
Што на яр квітнули
Што на яр квітнули.
І квітнути будут.
А мої розкоши
Юж більше не будут.
Співайте дівчата,
Бо юж не будете.
Прийде новий рочок,
То ся розийдете.
Прийде новий рочок
І нова неділя.
Так ся розийдете
Як Ваньове зілля.


ПОВІДАВ МІ МИЛИЙ

Повідав мі милий, же ма штири воли,
Же мя буде возив з хижи до комори. (2)
А він мя не возив, лем ся на мя грозив,
Же мя буде бити, покля буде жити. (2)
Яничку надобний, коби-с ти бив добрий,
Я би за тя пішла, хоц ти єс худобний. (2)
Коби ти бив добрий, я би била ліпша,
А як ти злий будеш, то я буду гірша. (2)
Кеби-с ти бив добрий, я би ліпша била,
Кеби-с ти розмовляв, я би зготовила. (2)
Мала я милого, правда, же-м го мала,
Але мі го друга дівка одобрала. (2)

ЧИ Є Ж ТО ПОЛЕЧКО

Чи є ж то полечко не оране. (2)
То мого милого занехане. (2)
Оране, оране, але мало. (2)
Бо му ся колечко поламало. (2)
Колечко зламало, рафка спала, (2)
Чого ж ти, дівчино, так зов'яла. (2)
Як ти ся зламало - дай направиц, (2)
Навчися, мій милий, господариц. (2)
А мі ся чорни очка подобают, (2)
Што на мя цєкаво позерают. (2)
Што ж єс сой дівчино иаробила, (2)
Же-е собі в Дунайци ручки мила. (2)

НЕ МЕЛЕМ, НЕ МЕЛЕМ

Не мелем, не мелем,
Не мелем, не мелем,
Забрала нам вода млин.
Забрала нам тоти кола,
Што крутились доокола.
Не мелем, не мелем,
Не мелем, не мелем.
Забрала нам вода млин.
Лем ти си, лем ти си,
Моя мила спомни си,
Спомни собі тоти часи,
Як с ме разом гуси пасли.
Лем ти си, лем ти си,
Лем ти си, лем ти си,
Моя мила спомни си.
Нич ся мі не видит,
Нич ся мі не патрит
Лем млинарське ремесло.
Встану рано, пущу кола,
Обийду млин доокола.
Юж мелем, юж мелем,
Юж мелем, юж мелем,
Принесла нам вода млин.
Юж мелем, юж мелем,
Юж мелем, юж мелем,
Принесла нам вода млин.
Принесла нам тоти кола,
Што крутились доокола.
Юж мелем, юж мелем.
Юж мелем, юж мелем,
Принесла нам вода млин.

ОЙ НЕ САМА, НЕ САМА

Ой не сама, не сама
Калину ламала.
Ламав і миленький, гоя-я,
Я лем дохиляла. 2
Ой над водов, над водов
Два прутики гнуться,
А за мнов, молодов, гоя-я,
Два легіні б'ються. 2
Не бийтеся легіні,
Я ваша не буду.
Кому-м ручку дала, гоя-я,
Того любить буду. 2

ЧИЯ Ж ТО ХАТИНА

Чия ж то хатина стоіт при долині,
Чиє ж то дівчатко шиє на машині? (2)
Машина калаче, а дівчатко плаче,
Верний же ся, верний, мій любий козаче! (2)
Не верну, не верну, не маю ку кому,
Полишив я тебе хлопцеви другому. (2)
Як ми ся любили, била-с як та квітка,
Тепер ся на тебе посмотрити бридко. (2)
Як ми ся любили, сухи верби цвили,
Як зме перестали, зелени зовяли. (2)
А я тебе любив, та й буду любити,
Верну ся до тебе, як будеш просити. (2)
Не буду просити, дурном треба бити,
Єст ту більше хлопців, будут ня любити. (2)
Гей, ци то коса тупа,
Гей, ци трава зелена,
Же я не накосив.
Гей, коникові сена!
Гей, так мі коса голит,
Гей, аж мя в бочку болит,
Піду до дівчати,
Гей, там мі ся загоїт.
Гей, косила би ся мі,
Гей, тота поляночка,
Же би мі грабала,
Гей, моя фраїрочка.

ГЕЙ, ЦИ ТО КОСА ТУПА

Гей, ци то коса тупа,
Гей, ци трава зелена,
Же я не накосив.
Гей, коникові сена!
Гей, так мі коса голит,
Гей, аж мя в бочку болит,
Піду до дівчати,
Гей, там мі ся загоїт.
Гей, косила би ся мі,
Гей, тота поляночка,
Же би мі грабала,
Гей, моя фраїрочка.

ГЕЙ, ПОВІДАВ-ЄС, ЖЕ МЯ ВОЗМЕШ

Гей, повідав-єс, же мя возмеш,
Гей, як на горі жито вижнеш.
Гей, гей, як на горі, як на горі
Жито вижнеш.
Гей, а ти вижав і поносив,
Гей, до мене ся не зголосив.
Гей, гей, до мене ся, до мене ся
Не зголосив.
Гей, а ти вижав і пов'язав,
Гей, а до мене не одказав.
Гей, гей, а до мене, а до мене
Не одказав.
Гей, а ти вижав і пшеничку,
Гей, мене не взяв за женичку.
Гей, гей, мене не взяв, мене не взяв
За женичку.

ЗРОДИЛИСЯ ТЕРКИ

Зродилися терки за горами,
Підеме ми на них з кошиками.
Будемо таргати, будемо ламати
З конарами, з конарами.
Пришол би я до вас каждий вечер
Пред вашима дверми велька мочар.
Прелож мила дручки, прейду помалюцьки
В каждий вечер, в каждий вечер.
Припюл би я до вас, же би-м я сьміл,
Же би-с те мі дали, што би я хтіл:
Тото дівча шварне, што ма очка чарни,
То би-м я хтіл, то би-м я хтіл.
Пришла би-м до вас, же би-м сміла,
Же би-с те мі дали, што би-м хтіла:
Того шугаїчка, што ма біли личка,
То би-м хтіла, то би-м хтіла.
Зродилися терки за горами,
Підеме ми на них з кошиками.
Будемо таргати, будемо ламати
З конарами, з конарами.

ЯНЧИК, ЯНЧИК НЕ БУД БЛАЗЕН

Янчик, Янчик не буд блазен!
Не пропивай вшитко разом.
Бо як проп'єш не будеш мац,
Прийде зима, будеш жебрац. 2
Боже, Боже, што мам робиц,
Ци ся жениц, ци так ходиц?
Інши хлопци поженени,
А я ходжу як шалений. 2
Боже, Боже, який то жаль!
Мене любив, а іншу взяв,
Мене любив зо два рочки,
Іншой буде стискав бочки. 2
Боже, Боже, што ся водит,
Же мів милий не приходит?
Ци го вода затопила,
Ци го інша полюбила? 2

ТАМ ЗА ЛІСОМ

Там за лісом пташка ми співава.
Ходит по ним мива запвакана.
Ходит, ходит ручки заламує,
Же єй мивий дома не ночує. (2)
Моя мива, де ти бива вчера.
Я тя глядав, не биво тя дома.
Ой, я пасва при Дунаю крави,
Де не биво зо три рочки трави. (2)
Моя мива, де ти бива вчера?
Я тя глядав не биво тя дома.
А я пасва при Дунаю качки,
Де не биво зо сім рочків млачки. (2)
Моя мива, де ти бива вчера,
Я тя глядав, не биво тя дома.
Ой, пасва я при Дунаю гуси,
Хто мя любит, тот ня взяти мусит. (2)
Моя мила, де ти бива вчера?
Я тя глядав не биво тя дома,
А я пасва при Дунаю воли,
Хто мя лишив, най го колька сколе. (2)

БУД ЗДРАВА, ЗЕМЛИЦЕ

Буд здрава, землице
Иду к Америце,
Иду зарабяц піняз.
Буд здрава, сестричко
Не плачте, мамичко,
Ищи к вам верну даколи зас.
Буд здраве, миленьке,
Дівчатко шварненьке,
ІІІто-м ся так миловал барз.
Ждий на мя кусціся,
Даст Бог, што вернуся
Так будем миловац зас.
Поїхав за гори, За ліси, за море,
Ждали го барз довгий час.
Деси в Америце
Спочиват в землице,
Юж ся не верне нигда к нам зас.

БОДНАРКА, БОДНАРКА

Боднарка, Боднарка, округла, як таляр,
Боднарски дівчата намалював маляр.
Малював, малював, фарби не жалував,
Прийде новий рочок, сам буде любував.

Боднарка, Боднарка, округле селечко,
Жеби не болото, било би містечко.
Боднарка, Боднарка, барз красне село,
Хто до него зайде, каждому весело.

КРАКІВСКА ШИНКАРКА

Краківска шинкарка
Пиво несе (3)
Лемківски воячки, напийтесе!
Гей, ля, тріля, напийтесе.
Мислиш, шинкарочко,
Же я малий. (3)
Лем мі, качмаречко, пива налий.
Гей, ля, тріля, пива налий.
Я собі воячок
Пінез мам дос. (3)
Я тобі заплачу, як єден влос.
Гей, ля, тріля як єден влос.
Гей, ля, тріля як єден влос.

КЕД МІ ПРИЙШЛА КАРТА

Кед мі прийшла карта нароковац,
Став я свого няня дошиковац,
Ей, няню мій, няню, зробте мі ту волю,
Идте за мя служиц на ту войну.
Кед мі прийшла карта нароковац,
Став я музиченьків дошиковац,
Ей, ви музиченьки, заграйте мі чардаш,
Най я сой вигулям свій младий час.
Стали музиченьки чардаш грати,
Стали мі ся слези з очей ляти,
Нихто не заплаче ни отец, ни мати,
Лем за мном заплачут три дівчатка.
А одна заплаче, бо я є єй брат,
А друга заплаче, бо єй мав брац
А третя заплаче, бо плакати мусит,
Бо она од мене перстень носит.

А В МИСЦОВІЙ ЧОРНА РОЛЯ

А в Мисцовій чорна роля,
Я єй орал не буду,
Повідат мі моя фраїречка,
Же на войну поїду.
Тот перстеник , што-с мі дала,
Я го носил не буду,
Шмарю я го посеред Дунаю,
Сам на войну поїду.
Ту хустину, што-с мі дала,
Я з ней давно феци мам,
Жеби-с собі, Ганю, не думала,
Же я тебе в серцю мам.
Права нога постріляна,
Ліва ручка одтята,
Подумай сой, моя наймилейша,
Яка война завзята.
З єдной страни доктор стоїт,
Кулі з мене виберат.
З другой страни патроль стоїт,
Смерти ся не сподіват.
Я до войни з войни назад,
А ти ся не видала,
Повідж же мі, моя Ганусенько,
На кого ти чекала?
Чекала я, мій миленький,
Чекала я на тебе,
Же як ти ся з воєнки повернеш,
То ся видам за тебе.

А ТИ ДІВЧА

А ти дівча, як ся маш,
Ци солодку гамцю маш?
Мам солодку, мам солодку,
Як би мюд, як би мюд,
Мам солодку, як би мюд,
Аж ся хлопці на ній бют.
А ти дівча не мудруй,
Як зачало-с, то любуй,
Бо на моє, бо на моє
Сумлінє, сумлінє,
Бо на моє сумлінє
Иншу возму, тебе не.
А ти дівча, шалене,
Не спозерай на мене,
Лем спозерай, лем спозерай
На того, на того,
Лем спозерай на того,
Што ти підеш за него.
А ти дівча, красото,
Я тя люблю за тото,
Же-с парадна, же-с парадна
И зграбна, и зграбна,
И на лици червена.

МАЛА-М СОЙ МИЛОГО ФУЯРОША

Мала-м сой милого фуяроша,
Што робив фуярки для вароша.
На фуярце ду-ду-ду-ду,
Мала-м я милого, юж не буду.
Мала-м сой милого годинаря,
Што робив годинки для цисаря.
Як зачала година биц,
Мала-м сой милого, юж не мам нич.
Мала-м сой милого коминаря,
Скочив мі з комина до Дуная,
Лапайте го, тримайте го
Знайдете драпачку ведле него.
Мала-м сой милого ковалика,
Што робил підкови для коника.
Коник копнул, милий линул,
Мала-м сой милого, юж го не мам.

А В НЕДІЛЮ РАНО

А в неділю рано, рано,
Люлька ся курила,
Впала мені на камені
Та й ся люлька збила. 2
А я пішов до Сянока
Люльку купувати,
Люлька била дорогая,
Не мож вторгувати. 2
А молода дівчинонька
Горці продавала,
Она мені дорогую
Люльку вторгувала. 2
Я сой люльку закурив,
Пішов на зальоти,
Та який си сукин син
Підпер ми ворота. 2
А я собі сюди-туди,
Поміж огороди,
Запльонтав ся в гарбузиня
Та й наробив шкоди. 2
А як прийшов-єм додому,
Мене мати била:
"Наробив-єс, сину, біди,
Буде ня скаржила". 2


Local Links:

Icon Return to Lemko Home Page


Document Information Document URL:http://lemko.org/lemko/spivanky.html

Page prepared by Walter Maksimovich
E-mail: walter@lemko.org

Copyright © LV Productions, Ltd.


LV Productions, Ltd.
c/o Walter Maksimovich
730 Pennsylvania Avenue, Apt. 706
Miami Beach, FL 33139
USA
© LV Productions 
Originally Composed: January 7th, 2001
Date last modified: November 17, 2009