Лемківскє весіля

Істория першой лемківской плыты "ЛЕМКОВСКЕ ВЕСІЛЯ"

        Народна поезия, народна пісня, то зеркало душы — богатство каждого народа.
        Лемківскій нарід богатий в народну поезию и пісьню, не уступлят иншым народам в тім душевнім, створеным віками богацтві.
        "Лемковске Весіля" Шкимбы и Ко. має неоцінену вартіст в тім, же на плыту перенесено жыво, натурально, народне весіля на Лемковині, без ниякых артистичних прикрасок. Тот народний стиль, тота правдивіст причинят ся до того, што плыты нарід любит, бо чує, же то його, таке, як было в старым краю в давнім селі.
        Чудно, же сусіде Лемків, Полякы и Словакы любят «Лемковске Весіля» більше, як своі весіля!
Мы дісталы лист од нашого краяна в Detroit, где пише, што Полька, коли почула «Лемковске Весіля», заплакала.
Лем правдиве народне слово, гварит народу до сердця и до розуму. Люде вчены в музиці и сьпіві, так насьпівати на плыты як неучены того — Шкимба и Ко. не потрафлят, бо вчены одтворили бы так, як іх вчыли, а Шкимба и Ко. насьпівали так, як чули, як самы даколи сьпівали на весілю, передали так, як оно было и зато оно ліпше од всякых другых, хоц бы и краще сьпівали. Весіля Шкимбы и Ко. чысто народне!
        За Шкимбом братя Голутякы-Кузяны з Одреховы награли "Лемковске Весіля Сяноцкого повіта". З плыт прозвучали прекрасны лемківскы сьпіванкы Анны Дрань и Євы Долина, могучий свойом красотом голос Мариі Гончарик и другых оддільных сьпіваків и сьпіваючых музычних груп.
        В календарі Лемко—Союза на 1947 рік зведений неполный список лемківскых плыт дішол до близко 200 народных сьпіванок. Др. Симеон Пыж, котрий составил тот календар, заявил так, коли перезріл список:
        Што то за сила в нашім народі! То великій громадний труд и енергія вложена в тото діло.
        А то вшытко ся створило без специяльной кoмпаніі. В своій статі, Штефан Шкимба додал, же то вшытко было зроблене без помочы інтелигенциі.
        От, што єст велике в тім ділі!
        Мы од себе додаме, што наша iнтелигенция не розуміла силы свого народа и мало інтересувала ся глубинами його моральной культуры.
        Сам Штефан описал історию першой лемківской плыты так:
        /…/

bear

Document Information

Document URL: http://lemko.org/lemko/madzik/lw4.html

Return to Lemko Home Page

Date Posted: July 28, 2002
Last Revision:

LV Productions
c/o Walter Maksimovich
3923 Washington Street,
Kensington MD 20895-3934

USA